భయం ...(జీవితం లో భయం వుండాలి కాని భయం తో జీవితాన్ని చూడకూడదు..)

ఈ జీవితం లో ఎన్నో పేజీలు ,ఆ పేజీల్లో ఎన్నో కొట్టివేతలు, కొన్నే ఆణిముత్యాలు..
అలా కొన్నే ఆణిముత్యాల కోసం ఎన్ని భరించాలి ఎంత వేచి చూడాలి..
ఎంత కాలమైన వేచి చూడటానికి నేను సిద్ధం ....
కాని అలా వేచి చూడటం లో నాలో భయం అనే భావన రాకూడదు...అలా అని
రాబోయే ఆణిముత్యం కోసం సంతోషం గా ఎదురుచూడాలి అనే అత్యాశ లేదు..
కాని ...ఆ ఆణిముత్యం నా పేజీల్లో చేరిన చేరకపోయినా .....
నా జీవితాన్ని నేనే చాలించాలి అనే భావన కలిగించే భయం అనే ఆయుధం మాత్రం ..
నా జీవితం లో రాకుండా వుంటుంది అనే నమ్మకాన్ని ఇవ్వగలరా..
ఇవ్వ లేరు..ఖచ్చితంగా ఇవ్వలేరు...అలాంటప్పుడు..
చస్తూ బ్రతకలేక బ్రతికే ఈ జీవితం నీకు నాకు అవసరమా...
ఇన్ని తెలిసి చేసేదేముంది వాడు అదే ఆటలో, బొమ్మలా ఆడటం తప్పా....
కాని ఒక్కటి వాడు ఎంత ఆడిన ఆడించిన , భయం అనే వాడి ఆయుధాన్ని నీ దగ్గరకి రానివ్వకు నేస్తం.....
భయం అనే పదం లేని జీవితం కోసం ఎదురు చూస్తున్న మీ స్నేహితుడు....

దూరం...మోసం...మగువ

మానవుని జీవితం సుఖ దుఖాల నడుమ సాగిపోతూ...వుంటుంది
ఎన్నో కష్టాలు,కన్నీళ్ళ నడుమ మునుగుతూ తేలుతూ ...
సాగించే ఈ మానవ జీవితం లో ..ఇవన్ని సముంద్రం లో అలా వచ్చి ఇలా వెళ్ళిపోయే అలజడుల లాంటివి..
కానీ మగవాని జీవితం లో ఏదో ఒక రోజు తారసపడే అతిపెద్ద సమస్య "మగువ"....
ఇప్పటి వరకు చిన్న చిన్న సమస్యలతో పడుతూ లేస్తూ సాగిపోతున్న ఈ ప్రయాణం లో
మగువ అనే రూపం లో "మోసం" అనే ఒక సరికొత్త సమస్య నీకు ఎదురొస్తుంది....
మగువ! సమస్య ఏమ్మాట్లాడుతున్నావ్ నువ్వు నీకేమన్నా పిచ్చ అని అడగాలనిపిస్తుందా...
నిజమే ఈ జగాన అందం అభినయం ,ఇలా ఎన్నో ఎన్నెన్నో కలబోసినా రత్నాల రాసిని...
సమస్య తో పోల్చడం తప్పే ..కాని ఏమిచేయ్యను తప్పట్లేదు...
కనిపెంచిన అమ్మ, నాన్న మనతో వుండేది కొంతకాలమే ,కాని ఓ మగువతో నీ జీవితం కడవరకు సాగాలి...
ఇది బ్రహ్మ రాసిన రాత..ఎంత మంచివాడు ఆ బ్రహ్మ ,అమ్మ నాన్న లకు మించిన ప్రేమని ,అందాన్ని సగం
జీవితానికి మన సొంతం చేస్తున్నాడు అని అనుకున్నాను...తర్వాత కాని అర్థం కాలేదు ఎంత పని చేసాడో అని...
ఇంకా వుంది కాని ఇప్పుడు రాసే ఓపిక లేదు........

మోసానికి అర్థం మగువ....

యుగాలు మారినా ఈ జగాన ఇప్పుడు అప్పుడు ఎప్పుడూ మోసానికి అర్థం మగువ....
ఎవర్ని నమ్మాలి, ఈరోజు నువ్వు తప్ప నాకు వేరే లోకమే లేదు అన్న మగువ
జీవితాంతం నీతోనే నడుస్తుంది అన్న నమ్మకం వుందా....లేదు ఖచ్చితంగా లేదు
నిన్న నేడు రేపు అన్నవి ఎప్పుడు మారవు కాని ...
నిన్న నువ్వు, నేటి నువ్వు, రేపటి నువ్వు ప్రతి క్షణం మారుతూనే వుంటావు ఇది నిజం .......
నీకు నచ్చేది నేనా లేక నీకు నచ్చేలా జీవించే నేనా అన్న విషయం అర్థం అవ్వాలంటే ఏమి చెయ్యాలి....
ఏమి చేసినా అర్ధంకానంతగా నటించే నీ నటనకు మాటకు నేను దాసోహం....
ఇదంతా నటన అని తెలిసిన నాడు నీ నవ్వు చూడాలని ఎదురుచూసే నా కళ్ళు,
నీ సంతోషాన్ని కోరుకునే నా మనసు,
నీ మాటల వినికిడికి తాళం వేసే నా గుండె చప్పుడు
అన్ని ఇవన్ని ఒక్క సారిగా పని చెయ్యడం ఆగిపోతాయని నీకు తెలుసా...
నీకు నచ్చితే ప్రేమించు కాని నీ అవసరం కోసం ప్రేమించకు..
నీకోసం చచ్చేంత ప్రేమ వుంది కానీ నువ్వు నిజం కాదు అని అలోచించెంత ధైర్యం కూడా లేదే.....

ఇష్టం.............

రేయి చాటున.. నీలి మేఘాల మాటు లొ దాగిన ఓ చందమామ..
నీ వెన్నల వెలుగులు...నాకెందుకే...!
నా చెలి నవ్వుల వెలుగుల లొ ...నీవెవరన్నది తెలిసేదెవ్వరికే...!
నా చెలి మువ్వల సవ్వడి కి ....తాళం వేసె ఓ చక్కని చుక్క ...
ఇక నీకొసం ఎదురు చూపులెందుకే ...నేల మీద నడిచే చుక్కే నా సొంతం ఆవ్వగా!

నిన్ను చుసిన నా మది పలికిన మాటలు.....

నిన్ను చూసిన క్షణం చుట్టూ శూన్యం , ఒక్క నీ అందాల మోము తప్ప.
నీ ఫై ప్రేమ పుట్టాక జగమంతా శూన్యం , ఒక్క నువ్వు అనే ఆలోచన తప్ప.
నీ వైపు అడుగులు వేసాక నేనే శూన్యం , ఒక్క నాలో వున్న నువ్వు తప్ప.
నిన్ను తలచిన ప్రతిక్షణం నా మనసంతా శూన్యం ,ఒక్క నీ మీద వున్న ప్రేమ తప్ప.
నీ ఫై నా ఈ ప్రేమను చెప్పాలని వుంది కానీ నువ్వు కాదంటే?

ఆ ఆలోచనే నా ఊపిరిని శాసిస్తుందే.
అలా అని నిన్ను వదిలి వెళ్ళే ధైర్యం నాకు లేదు..
అందుకే నీ నీడై నీ వెంటే వుంటూ నీ ప్రేమను గెలవాలని.......
ఈ జన్మకైనా కాకున్నా, మరుజన్మకైనా కాకున్నా, ఏనాటికైనా నీతో నే జీవించాలని తపనపడే నీ ప్రేమికుడు....

మాటలకందని భావం ,మనసలు గెలిచే మంత్రం.....

ఎంటా మాటలకందని భావం అని ఆలోచిస్తున్నావా!

ముగ్ధ మనోహరమైన రూపం తో

సొగసైన చూపులతో కవ్విస్తూ

నీ మనసు లో మాట........

మనసు లో మాట కాదది గుండెలో రగిలే జ్వాలది..

ఆ జ్వాలంత ఒక్క సారిగా వెల్లువైన క్షణాన

నువ్వడిగిన ప్రశ్నకు నా దగ్గర సమాధానమే లేదే...

నేను లేకుండా నువ్వెలా బ్రతక గలుగుతున్నావు అని అడిగితే

నా లో వున్న నీ ప్రేమ బ్రతికిస్తుంది అని చెప్పగలను.

ప్రేమ వుంటే చాల నేను ఉండక్కర్లేద అని అడిగితే

నా లోనే నా తోనే నువ్వెప్పుడు ఉంటావన్న నమ్మకం చాలాని చెప్పగలను.

అదే నువ్వు, నువ్వు కంట నీరు పెడితే అమ్మనైన మరిచి నీతో నే నడిచొచ్చే దానిని కదా రా

ఎందుకు నన్నిలా వదిలేసావు అని అడిగిన క్షణాన, నా నోట మాటే కాదు నా గుండె చప్పుడే ఆగిపోయిందే.

ప్రేమ...

ప్రేమ చూడడానికి రెండక్షరాలే కానీ ఈ మానవ మనుగడనే శాసించే ఆయుధం ప్రేమ...

అమ్మ పేగు బంధాన్నిరుచి చూసి కళ్ళుతెరవడం తో మొదలైన ఈ ప్రయాణం

ప్రేమ అనే ఒకే ఒక్క తియ్యని ఆలోచనలో సాగిపోతుంది.....

అమ్మ పెట్టె ముద్దలో ప్రేమ

నాన్న కొట్టే దెబ్బలోను ప్రేమ.

ఇలా మొదలైన ఈ జీవితం లో

అదే ప్రేమ అనే ఆలోచనవల్ల వచ్చే నరకం అనే బాధ ఎలావుంటుందో నీకు తెలుసా?

మగువ అనే రూపంలో వుంటుంది.

అమ్మ నాన్న ప్రేమ లో వున్నంత సంతోషం

నువ్వు నేను ప్రేమ లో వుండవు...

మగువను ప్రేమిచడం తప్పు కాదు కానీ

ఆ మగువ కోసమే ఈ జీవితం అన్నంత గా ప్రేమించడం తప్పు.

ఆ భ్రమ లో పడి తనువుని సైతం చాలించడానికి సిద్దపడే ఓ మగవాడ...నీకో విషయం తెలుసా!

నువ్వు జీవించే ఈ జీవితం నీది కాదు రా..

రక్తం పంచిన అమ్మది రక్తం ధారపోసి పెంచిన నాన్నది..

అలాంటప్పుడు వాళ్ళ ఊపిరిని తీసే హక్కు నీకెవరిచ్చారు ..

అమ్మ నాన్న కు నువ్వే ఊపిరి నీ ఊపిరి ఆగితే నీకంటే ముందు పోయేది వారి ప్రాణమే....తెలుసుకో....

మనసు లో వున్న భాద............

నిన్ను వదిలేక్షణం నాకు అర్థం కాలేదు
ఏమి జరుగుతోంది మరుక్షణం అని.
ఏముందిలే పక్కన ఉండదనే భాద తప్ప
నాలోనే వుంది గా అన్న ఊహతో బ్రతికేద్దామనుకున్న.
కానీ అప్పుడు తెలియలేదునాకు..
బ్రతకడానికి ఊహా వుంటే చాలదు..
ఊపిరి వుండాలి ఆ ఊపిరినే వదిలేస్తున్నఅని.
ఒక్కసారి జారవిడిచాక పొందటానికి
నువ్వేమి ఒక వస్తువు కాదు మరి నిన్నుపొందాలంటే?
నా ప్రాణాలని వదిలేయటం తప్ప ఏమి చేయగలను.....

తనని చూసాక అప్సరసనే మరిచెదరేమో..

నా ప్రేయసి పేరులో ఏముందో తెలియదు కానీ

అందమైన తన మోములో రత్నాల మెరుపుందని తెలుసు.

కావ్యాన్ని వర్ణించడానికి కలం కావాలి కానీ

నా ప్రేయసి అందాన్ని వర్ణించడానికి అదృష్టం అనే వరం కావాలి.

అందం కాదది లేలేత సొగసది
ఎవరో కాదిది చూపులతో కవ్వించే
హోయలున్న సొగసరి ఎవ్వరే ఇది

అప్సరస కాదే ఇది నా ప్రేయసి.